لها المغربية
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات لها المغربية زائر أهلا وسهلا بك
 
الرئيسيةاليوميةس .و .جبحـثالأعضاءالمجموعاتالتسجيلدخول
المواضيع الأخيرة
» دليل شركات مصر
الأحد أغسطس 16, 2015 7:57 am من طرف مها الفاروق

» تخليص جمركي مطار القاهرة وميناء الاسكندريه والسخنه وبورسعيد
السبت يناير 10, 2015 5:40 am من طرف مها الفاروق

» مؤسسة الفاروق خدمة بيع قواعد بيانات موبايلات
الأحد نوفمبر 02, 2014 9:13 am من طرف مها الفاروق

» !!*!! عجائب وغرائب الفازلين للبنات !!*!!
الثلاثاء أكتوبر 28, 2014 7:37 am من طرف sondos

» الهيئة الدولية للتحكيم
الأحد سبتمبر 21, 2014 6:55 am من طرف مها الفاروق

» افضل شركة تسويق الكتروني
الأربعاء سبتمبر 10, 2014 5:03 am من طرف مها الفاروق

» شقق تمليك بمدينة العبور بالتقسيط
الإثنين مايو 19, 2014 9:49 am من طرف حسام بكرى

» اختياراتي في صيف 2014
الخميس مايو 01, 2014 1:42 am من طرف sonata soso

» عاجل : رقم هاتف الحاج محمد النكاف
الخميس مايو 01, 2014 1:36 am من طرف sonata soso

» الملكية المشتركة بين الزوجين
الأربعاء مارس 19, 2014 10:41 am من طرف nani

» فرع الهاشمي للاعشاب الطبيعية بمصر
الأربعاء يناير 29, 2014 9:05 am من طرف شهد الروح

» طريقة توديع شعرجسمك لمدة 6سنوات
الجمعة أغسطس 09, 2013 2:53 pm من طرف as'art

» محاربة حب الشباب في شهر و الله مجربة
الجمعة أغسطس 09, 2013 2:52 pm من طرف as'art

» قررت نكتب وصفتي اللي قربات توصل شعري لركبتي
الجمعة أغسطس 09, 2013 2:51 pm من طرف as'art

» اللي تينوض ليها الشعرتحت الجلد في الساقين تدخل
الجمعة أغسطس 09, 2013 2:49 pm من طرف as'art

» الحيوان الذي لا يشرب الماء مطلقا
الخميس يوليو 25, 2013 5:42 am من طرف lamia

» الى بغيتي رموش طوال وكحلين دخلي
الخميس يوليو 25, 2013 5:19 am من طرف lamia

» تبيض الاسنان من اول استعمال جربي وردي عليا الاخبار
الأربعاء يوليو 24, 2013 8:45 am من طرف lamia

» حكم ترقيع غشاء البكارة لمن تدعي الإغتصاب
الجمعة فبراير 01, 2013 4:02 am من طرف as'art

»  طريقة توديع شعرجسمك لمدة 6سنوات
الجمعة فبراير 01, 2013 4:00 am من طرف as'art


شاطر | 
 

 حجاية "مُولات الخبزة"...من الثراث المغربي

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 110
تاريخ التسجيل : 20/12/2011
الموقع : laha.mountada.net

مُساهمةموضوع: حجاية "مُولات الخبزة"...من الثراث المغربي   الثلاثاء يناير 17, 2012 10:09 am


كانْ يا ما كان، والكونْ ما لكو الرّحمان، حتى كان لحبق والسّوسان، ونصلـّيوْ على نبينا العدنان..

يا سادة ياكرام

فهاذ المرّة غادي نحكي لكمْ حكاية غريبة/ / مفهومة ماشي صعيبة/والجلسة معاكم
كلها طيبة ../كان فشي وقت من لـَوقات/ تتعيش واحد العائلة فيها غير لبناتْ/ تلاثة شقيقات/ والرّابعة ربيبة/ كان باهم تيعاملهمْ مُعاملة وحدة/ ما كاينْ فرقْ من بين البكرة ولآ الصغيرة/كلّ وحدة عندو أميرة/ إلا مّهم دايره فرق كبير مابين بناتها اللي من كرشها/ وربيبتها اللـّي فعقلها ما دخلتها/ من كبرات ووعات/ هي اللـي تتقضي وتنضي/ ومن تفضي تجلس على الغرزة الطرز ولا تخيط/ ومنين عليها تعيّطْ / توجدها قدّامها تترعّدْ من الخوفْْ/ سرّها ديما مقدوف/ وبّاها غير تيشوفْ/ عْيا بلحلوف وغير تيحنتْ/ وهي بتمارة التطحنتْ/ وْعادْ كلفتها يوميا تعجن خبزة الكلّ واحد فيهمْ/ وخبزة الأم تكون وافية شويّة عليهم/ تعجن وتعاين حتى تخمر وتجمع لعواد وتحمي الفران وتطرح وتفرّق/ وتحضي القدرة على الكانون تحرك وتمرّق/ وتحلب وتمخضْ اللبن/ جهدها تدفن فذيكْ الدّار/ وفواحدْ النهارْ مْع الزربة والخلعة والتـّلفة/ نساتْ ونبْزات من خبزة مرْت بّاها اللـّي يمّراتها/ قالت ليها يامّي حيثْ هي اللي ربّاتها/
راهْ نسيتْ وبلا ما نشعرْ/ حصلْ هاذْ لأمرْ/ ويلا بغيتي نمشي ندبّرْ على خبزة فقياسْ خبزتكْ/ ما في ما نهزّ قرصتكْ وضربتكْ/
قالتْ ليها والو من خْبزتي نخلاقْ/
وحتى حلّ مْعاها ما لاق/ وبْدات تعايرْ وتسبّْ/ وتضربْ باللي لقاتْ في ديها/ والبنت مسكينة ما لقات غيرْ رجليها/ سبقو الرّيحْ/ ومرت بّاها تا بْعاها وتصحيحْ:
- بغيتْ خبزتي، عْطيني خبزتي وتشيّرْ وتشيّر/ حتى خْيال البنتْ غبرْ/ وتلفات مابين سواقي وشجرْ/ وبلا ما تفكّرْ فلأمرْ قرّراتْ ما تولـّي/ وبْداتي لروحْها تتـْسلــّي/ غيرْ مخبّع تتطلّ/ وفالليلْ تيْغطّيها شعرها الطويلْ لكحلْ/ حتى الواحدْ المرّة قرّرتْ تبدّلْ لمكانْ/ تلقى فيه شي اطمئنانْ/ مْشاتْ مشاتْ حتى عْيات/ وهي تصادف عْزيب/ واسعْ وعريضْ وبنيهْ غريبْ/ طلـّتْ وْدخلتْ/ ما وجدتْ حتى واحدْ فيه/ وتعجبتْ كيفاشْ حتى واحدْ ما حضيهْ/ شربت من عيونو لكثار/ وكلاتْ من خير لشجارْ/ وحسّاتْ بنعاسْ دوّخلها الراسْ/ التكّاتْ وتمدّاتْ/ وغمّضتْ عينيها/ لكن طلقتْ ودْنيها/ عارف راسها فخلا/ ما شي منزه فرحلة/ ويالله بْغات تغيبْ/ وهي تسمعْ صوتْ غريبْ
- يالله حلـّو البيبان وفرّشو بالزربة لسلطان راهْ وْصلْ عيّانْ../
بالزربة تنصبو لخيام/ آمرْ تعملْ كلشي يعملْ لهْلايخطي لحْكامْ/ ولبنت غير شافتْ ما شافتْ وهي تلعثمْ وبداتْ تخمّمْ بْحال اللي حصْلاتْ/ السوارْ عالية/ والحراس عينيهمْ تلقط الجّوانْ/ خمّمتْ مزيانْ وهي تدخل ما بين الغنمْ/ اللي عددها كانْ كثيرْ/ حْدا جنبْ البيرْ / بعْدا الما حْداها/ والله نجاها واحْضاها../

يا سادة ياكرام

السلطانْ من ارتاحْ طلبْ مْرايتْ الهند/ وبالو منظر من البعدْ/ وسط لغنم طرفْ كحل/ وبلا ما يتعجّل قال لوزيرو شوف/ فالوإيّاه يامولايْ/ هاديكْ شي حاجة ما شي خْيال/ ودغيا طحتلو فالبال وقالوا:
يا مولايْ فالحال توجد قصعة تريدْ/ بفروج بلدي لديدْ/يكون مالحْ ماشي مسّوس/يبان حسّ هاذ لكنوسْ/ الإنسي لافيهْ الجوعْ ياكلْ/ والجني ما يقربْ لطعمنا/ فلحظة كلسي يْبانْ قدّمنا../ وهذاكْ ما كان يالخوانْ/ كلات وبرداتْ/ ومن البيرْ شرباتْ وعرفوهْ إنس ماشي جان/ وقا لهم السلطانْ/ حضرو قدامي اللي كان/ وغيرْ بالضرافة واللــّطافة/ وكسيوهْ بشي لـْحافة/ أولخفّ حضرو البنت وهي تترعّدْ ما شي من البردْ/ من الخوفْ تحتى تلقاوْ سنانها/ وتكمشو يديها/ قالهمْ خلـّيوْها/ ومنينْ شاف فيها وتمعّنْ/ شافْ قدّاموُ جمالْ تيفتنْ/ وعاود فتحْ عينيه مزيانْ حتى تيقـّنْ/ وقال لوزيرو أمرهمْ يجمعو باش نرحلو/ وبدا المستشارو تيشرحلو/ يهتلاّوْ فالبنت مزيانْ/ ومنين لبستْ زادتْ تواتاتْ/ وصبحتْ للاّت لبناتْ/ وفوسط القبّة ضوات/ وكاعْ ما نوات هذا العزّ لعظيم/ سبحان المنانْ لكريم/ كْرمها بعدْ خوفْ/ والملك فيها غير تيشوفْ/ حتى علنو على عرسْ السلطانْ بالزين الفتان/ رقصت الناس والموسيقى دوْوات/ وحتى الطيورْ غناتْ وقالتْ :هنيّ وهنيّ من الخبزة تهنـّاتْ/ سعدي ياالرّيمْ يازينتْ لبناتْ/ وبالزربة تدربات على الجوّ الجديدْ/ وكان كل يومْ عندها عيدْ/ واحد النهارْ سمعتْ صوت حزين من بعيد تيسعى نسعاو باب الله/ أمرت الوصيفة تدخلها وتغسل ليها/ ومن الخيراتْ تعطيها/ حيث عقلاتْ على الشدّات/ وشحال من نهارْ ما كلاتْ../ وقالت ليهمْ قرّبوهالي وخلـيوني مْعاها/ بغيتْ ارتاحْ حْداها/ تعجبوُ وْغربوْ/ وهي تعقل عليها قالت هاذي مرت بّا/ ياكْ مادايْرها سبّا/ ولكن لمْرا ما عقلاتْ/ حيث لبنيّة راها تبدّلات/ وقالت ليها واشْ عْرفتيني/ قالتلها فكّريني اللي نعرفهمْ بزّاف/ قالت ليها وفين بويا وخوتي/ ردّتْ عليها آه عليكْ انت الهاربة اللي هربتي/ عطيني خبزتي عْطيني خبزتي/ بغات تحميها غواتْ/ وعلى الشرّ نواتْ/ وهي تآمر حرسها الخاص/ يْحملوها خارج لبلادْ/ ويسكنوها فدار لجوادْ/ ما يخصّها خيرْ/وردّوها بحالْ شي طير فلقفاصْ/ غير الماكلْ والنعاسْ/ ومازال الطيرْ تيغني/ أما للاهنو ما تهني ما تدْ ني كيف تيقولْ المثلْ/ وعلى كل حالْ / راكمْ سيادتي وسادتي ديما فالبالْ/ ما نكمّلشي لكم لحكاية هذا مُحال…./

يا سادة ياكرام

/ السلطان الهمامْ/ قال الملكة تعايْلي نبدّلو الجو فجنانْ لخضارْ/
نمتعو لبصارْ/ قالتلو أمركْ موْلايْ يتنفّدْ الحالْ/ الرّحلة تغيّرْ لحوالْ/ أمرْ عاملْ الموكبْ ارحلْ/ ومن باب لكبير دجنانْ دخل/ فوق ما تخيّلْ/ تحيرْ فالشـّكال ولنواعْ/ وأفرحاتْ اللي جاعْ/ واد بقناطرْ/ وشلالْ ميّاهو التقاطرْ/ عشاقة لنظرْ/وحتى الدّالية من الدّخلة بحال الحرسْ من الجنابْ/ وقت العنبْ طابْ / وسبحان الله/ عنقودْ كحلْ/ عنقْ عنقود ابيضْ/ منظرْ يفتنْ/ مالوشْ نضير/فجنان الخيرْ…؟/ وحتى حْلات بينتهمْ الجلسة/ ومن البعدْ حاضيهمْ العسّة/ وهما ينبتو جوج قطيبات صغار/ كاعْ ما تنبْهو لهم النظارْ/ كلها حايرْ فجهة/ وسمعت قطيب تيقولْ عطيني خبزتي/ ولا خرْ تيردّ عليهْ ما عنديشْ/ وهي تبق تصيّكْ وتضحكْ/
والملكْ ما فهمْ والو/ حيث ما سْمعْ والو/ وجّهْ سؤالو ليها/ إيوا ضحكينا مْعاكْ/ راحْنا زعْما حْداكْ/ قالت لو يامولايْ: لآ ما كاينة حتى حاجة غيرْ ضحكتْ وْكانْ/ قلها ما كاينشْ شي ضحكة بلآ سبّة/ وبْغا يديرْ من الحبّة قبّة وْدارْها/ وبغواتو شعلْ نارْها/ ومنينْ بغاتْ الدّويها عْماتها/ ومن خرجاتْ كلمتها/ القات التريّتْ فاتها/ قالتلو يامولاي اللي ضحكني هو ذاك المنظر انتاع العينبْ لكحلْ اللي معنـّقْ العنقودْ لبيضْ/ صفعها بالجهدْ وفهمْها غلاطْ/ وما كْفاها حلوف ولا تعياطْ/ قالها عينيك فعبدي/ أنا غادي نطيّرْ لو الرّاسْ بيدّي/ وانتيَ خرجتي خطيّة/ وحكامكْ غادي يكونْ قاسي/ ولغدرك ما ناسي حتى نموتْ/ وهيا الخوتْ لهلا ينزّل علينا باطل/ راس العبدْ بسيفو طارْ/ وهاذ السرّ بقا غير فسط الدّارْ/ مرْت السلطان فكل ليلة تتحمّلْ الراس المقطوع/ وتتطوفْ بهْ بلحفا والجوع/ مسكينة آشْ هاذ العذابْ/ بلحق كلشي مقدّرْ مكتابْ/ ونا مازالْ مْعكم يالحبابْ..

ا
يا سادة ياكرامْ

فشي يومْ من ليّامْ/ حكيمة النسا نجمة/ بْغاتْ تبيع عقد جوهرْ/ وقصدت ْ دلالة معروفة/ قالت ليها هاذ ليّامْ السوق باردْ/ والحركة عيانة/ سلعتكْ مزيانة لكن الغالبْ الله/ يمكن تبعيهْ المرت السلطانْ/ بعدْ عندها وهانيا وْصافي لها الحال/ غير سيري را تتسخى بالمالْ/ لحكيمة شاوْرو عليها لمْشاورية/ قلتلهم غادي نسلـّمْ هاذْ لهدية اللاتْ لبناتْ/ الملكة بحالْ اللي ماكاين والو/ رحبتْ واستقبلاتْ/ وفوجهها ضحكات/ تعاودو لخبارات ولقات لحكيمة ما جايبة خبارْ/ وبداتْ الهضرة على ما حكاتو الدلالة الحكيمة لفهيمة/ وردّ عليها الملكة أنا خاطري هاني/ غيرْ سايني حتى يْطيحْ الظلام/ وتفرج عْلى غرايبي ومحايني غير
سايني../ وفعلا فركينة تخبعات شافت وتبهضات / حتى عْيونها دمعات/ بعينيها وْمصدّفات/ وحيث كملات/ لمْرا جفلاتْ / رشـّاتها بمّيها حتى لعقلها رجعاتْ/ وقالت ليها إيو كيف جاكْ عذابي/ ردّت عليها غادي تفاجايْ بسبابي/ والعبد غير سبابْ/ والله يفتح باب الخيرْ والتسيير/ ودابا سمعني مزيان/ ووشميها فهادْ لمكان/ غدّا منين يبغيوْ يحمّلوليكْ الرّاس/ رفضي وقولي لا/ وصوتك يتعلى عليهم/ حتى يجي اللي تيأمر عليهم وقولي لا ومنين يسوّلكْ قولي لو ماشي انت هو قحطان بن زهران/ وذاك الشي اللي كان حتى قالها/ واش كاين شي سلطان أشهر مني/ ردذت عليهْ سوّل حكيمْ الشجعان/ وغيرْ جاوبو بييّه/ جمع العدّة والعتادْ/ وْلا غدليه خوا لبلادْ/ بعد يّامْ وصل لبلادْ المقصود/ وشوفو الله المعبود/ تيمهّدْ لسبابْ/ والبنت بعدا فهاد المدّة تهنـّاتْ من لعذابْ/ استقبلو قحطان وبعد الرّاحة حْكالو مزيانْ كلشي بالفاصيل/ جاوبو اللي بان لي غير الشكّ عْما عينيكْ/ وكون تريّتي الله يهديكْ/ دابا راهْ خيطْ لمحبّة تقطعْ/ وبقات عينين الملك تتدمعْ/ قالو يا سلطان لاتبكي عند حلّ/ تخدو عندي عادْ ترحل/ هادو ثلاثة دلكركاعات/ مبخرينْ بهوى لبنات/ وغير توصل عطيها تهرّس اللولى فنص النهارْ/ والثانية فنص الليل/ والتالثة مْع لفجر/ وغير صبرْ/ غادي ينبت ربيع لمحبة/ وهادي راه غير سبّة/

السلطانْ بعدْ مدّة وصلْ/ تقرّبْ ورغبْ/ وماجا فين يكمل تهراسْ الكركاعْ/ حتى الملكة سمعت حركة بصداعْ/ عفريت ظهرْ فمكانْ/ وقالها أنا مأمورْ نا خكْ فالحالْ العند الملك قحطان/ وبلا ما تفكرّ التحسمْ لأمرْ/ واقف قدّامو وهو ينظر وقال: تيعطي ربي الفول اللي ما عندو سْنان/ كيفاش يفرّط فهاذ الزين الفتان/ ومنين سوّلها على صْداقها قالت لو صْداقي تجيبْ الباقي من خوتي ولكان عايش بّا وحتى مرْتْ بّا/ وأمرْ عامل العفريت جاب المطلوبْ/ والسلطان حقق المرغوب/ والسلطان لقديم مات من لكروب/

وانتما يا سادتي عْلى الله تكونو متعتو لقلوبْ
والصابر فينا هو المحبوبْ وبنادم راه حْجر وطوب/ وهكدا حجيتنا مشاتْ مع الواد/ وما
يبفهمها غير
ْ لجواد/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://laha.mountada.net
 
حجاية "مُولات الخبزة"...من الثراث المغربي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لها المغربية :: المنتديات الثقافية :: منتدى اللغة العربية، ادب وشعر :: قسم يُحكي أن ..-
انتقل الى: